Энэ бол итгэхэд хэцүү л байгаа байх, гэвч авсаархан хайрцаг хэлбэр бүхий хэмжээтэй зөөврийн хэмээх үндсэн шинжийг агуулсан персональ компьютер энэ цаг үед ашиглагдах болсон нь урлагийн бүтээл мэт л байв. CRT дэлгэц, кэйборд, диск тоглуулах гээд бүх зүйл нь жижгэрч, нэг “саванд” багтсан байлаа. Процессор, үйлдлийн систем зэргийг өнөөгийн смартфонуудтай харьцуулбал хамаагүй “даруухан”.

Ийм болсон анхны компьютер бол Osborne 1 хэмээх загвар юм. 1981 оны 4 сарын 3-ний өдөр Osborne Computer корпораци Osborne 1 хэмээх загвараа Сан Францискод зарлан олон нийтэд үзүүлжээ. Түүнээс хэдхэн сарын дараа компани нь дэлхийн топ компаниудын нэг болж, орлого ашиг нь ч огцом өссөн гэдэг. Гэвч жил хагасын дараа буруу менежмент явуулсны улмаас дампуурчээ. Технологийн домогт сэтгүүлч David Bunnell энэхүү компьютерийг бүтээгч Адам Осборний /Adam Osborne/ тухай хэлэхдээ: “Үйлдвэрлэлийн салбарт ердөө гуравхан л хүн бий. Тэр бол Билл Гейтс, Стив Жобс, Адам Осборн. Тэднийг хооронд нь эрэмбэлэх шаардлага байхгүй” гэжээ.